છત્તીસગઢની સૌથી મોટી ગનપાઉડર ફેક્ટરીમાં આગ: ઘણા કિલોમીટર સુધી સંભળાયો બ્લાસ્ટનો અવાજ, 6 લોકો ઈજાગ્રસ્ત; ફાયર બ્રિગેડની ટીમે ઘટના સ્થળે પહોંચી
![top-news](https://gujaratvandan.com/public/uploads/images/newsimages/GujaratVandan25052024_055632_Ch 1.webp)
- 25 May, 2024
છત્તીસગઢની સૌથી મોટી ગનપાઉડર ફેક્ટરીમાં શનિવારે સવારે બોમ્બ બ્લાસ્ટ થયો હતો. તે પછી જોત જોતામાં ફેક્ટરીમાં આગ ફાટી નીકળી હતી. આગ લાગવાની ઘટના બેમેતરા જિલ્લાથી 70 કિલોમીટર દૂર બોરસી નામના ગામમાં થઈ છે. ઘટનાના પગલે હાલ લોકોમાં ભયનો માહોલ છે.
બીજી તરફ ઘટનાની માહિતી મળતા જ ફાયર વિભાગની અનેક ગાડીઓ ઘટના સ્થળે પહોંચી ગઈ હતી. હાલ આગ લાગવાનું કારણ જાણવા મળ્યું નથી. SDRF અને પોલીસ પ્રશાસનની ટીમો પણ ઘટનાસ્થળે પહોંચી ગઈ છે અને બચાવ કામગીરી હાથ ધરવામાં આવી છે. ઘટનાસ્થળે એમ્બ્યુલન્સને પણ બોલાવવામાં આવી છે. આગ એટલી ભીષણ છે કે તેની જ્વાળાઓ દૂર દૂર સુધી જોઈ શકાય છે. ફેક્ટરીમાં વિસ્ફોટનો અવાજ કેટલાય કિલોમીટર સુધી સંભળાયો હતો.
કહેવામાં આવી રહ્યું છે કે ઘટનામાં મૃતકોની સંખ્યા મોટી હોઈ શકે છે કારણ કે ઘટના સમયે ફેક્ટરીમાં કર્મચારીઓ હાજર હતા. આગના તણખાને કારણે આસપાસના રહેણાંક વિસ્તારોને પણ નુકસાન થયું છે. વિસ્ફોટો બાદ ફેક્ટરીનો કાટમાળ દૂર સુધી પડ્યો હતો. જેના કારણે આસપાસના લોકો પણ ડરી ગયા હતા.